Ang Santiago A. De Guzman Elementary School ay pinangalan sa kauna-unahang alkalde ng Valenzuela na taga bukid. Siya ay lumaki sa hirap at ang kahirapang ito ang nagmulat at nagtulak sa kanya na magsumikap makatapos ng pag - aaral upang matulungan ang kanyang mga magulang at  mga kapatid na umunlad ang kanilang buhay. Siya ay nag - aral ng elementarya sa Hen. Tiburcio de leon at nagtapos na valedictorian ng kanyang klase nag - aral ng sekondarya sa Francisco College at nagtapos na salutotorian. Siya ay nag - aral ng Bachelor of  Arts sa kolehiyo sa University of the east sa Lungsod ng Maynila. Sa Kagustuhang makamit ang kanyang pangarap, siya ay namasukan sa ibat't - ibang kumpanya at dahil dito siya ay nakatapos ng Bachelor of Laws sa University of the East kung saan siya ay nakapasa sa 1973 Bar Exam at naging ganap na abogado. Naging bukas palad si Mayor Santy sa mga kababayan na kapos sa kaalaman at pinansyal na pangangailangan laluna't tungkol sa mga kaso sa batas. Sa kanyang paglilingkod binago at pinaunlad ni Mayor Santy and Bayan ng Valenzuela. Sa mga programang kanyang ipinapatupad bilang alkalde tulad ng pagsasa - ayos ng mga daan, pag - iilaw sa bawat kalsada, at pagbibigay ng importansya sa edukasyon ang naging daan upang tayo ngayon ay maging isang lungsod.